Thursday, May 20, 2010

Falsafa-e-ishq main pesh aaya sawalon ki tarah

Falsafa-e-ishq main pesh aaya sawalon ki tarah,
Hum pareshan hi rahay apne khayalon ki tarah...

Sheesha'gar bethay rahay zikar-e-maseeha lay kar,
Aur hum toot gaye kaanch k pyaloon ki tarah...

Jab bhi anjaam-e-muhabbat nay pukara khud ko,
Waqt nay paish kiya hum ko misaloon ki tarah...

Zikar jab hoga Muhabbat main tabahi ka kaheen,
Yaad hum aaen gay dunya ko hawaloon ki tarah...!

No comments:

Popular Posts