Teri Aankhein Tera Chehra jo mere robaroo nahee rehtay

Teri Aankhein Tera Chehra jo mere robaroo nahee rehtay!! 

Suno janaan tum meri aankhon ko apnay lams sai zinda kar do

ik baar phir in k aaninon mein apna chehra kar do

k ik mudat hui ye saktay mein hein ,in ka dukh nahee rota 

in mein kisi khuwab ka hadisa ab nahee hota

k ye khuwab meri aankhon sai ab surkhuroo nahee rehtay

Teri Aankhein Tera Chehra jo mere roobaroo nahee rehtay..!!

zabt ki shaakh sai toot girtay hein jab ye aansoo

dundhla kar daitatay hein har nazaray ko

tere aansoo chootay hein jab meri aankh k kinaray ko

lahoob ban jatay hein ye ansoo ansoo nahee rehtay

Teri Aankhein Tera Chehra jo mere roobaroo nahee rehtay..!!

duaon k hathon mein kabooliat ki zanjeer nahee parhti

aansoo bikhar jatay hein par jazbon mein taseer nahee utarti

sisaktay hein mere labon pai aa k harf e duua

bai maani ho jatay hein ye alfaaz mehv e justajoo nahee rehtay

Teri Aankhein Tera Chehra jo mere roobaroo nahee rehtay..!!

raah e zeest mein bikhri chaar soo ye tere hijar ki gird janaan

jaisay kisi ajnabi deewar sai lipti ho koi amar bail

aisay hi meri zaat sai liptay hein ye dard janaan

likh dia jo kaatib nay to phir mein ye kaisay keh doon

dukh dard ko meri zaat ki talab nahee ye mehv e aarzoo nahee rehtay

Teri Aankhein Tera Chehra jo mere roobaroo nahee rehtay..!!

tu jo bichra hay to raat k seenay pai sar rakh kar so nahee sakti

tujh ko kho kar sab kho dia ab to kuch bhi kho nahee sakti

ik tera hath chootnay sai fakat tera sath chootnay sai

khuwab k jugnoo ab meri aankh sai mehv e guftagoo nahee rehtay

Teri Aankhein Tera Chehra jo mere roobaroo nahee rehtay..!!

hum jo chaand ki kirnon sai tera aks buna kartay thay

teri aankhon sai aksar sitaray chuna kartay thay

teri saanson ki hidat sai jala kartay thay zeest k jugnoo

suno ab to ye kaafilay roshni k mere chaar soo nahee rehtay

Teri Aankhein Tera Chehra jo mere roobaroo nahee rehtay..!!

suno khizan rut yoon jazbon mein thehar gayee hay

hairat kia hay jo baat meri bikhar gayee hay 

titlion k rang utartay nahee lab o lehjay mein

orhtay nahee jo lams tera mere alfaaz sarapae khushboo nahee rehtay

Teri Aankhein Tera Chehra jo mere roobaroo nahee rehtay!!!!