Ek jabr hai ab ahsaas-e-wafa bhi ye dil me basana theek nahin
Ab saaz-e-dil afsurdah per, is geet ko gana theek nahin
Tum bhool chuke ye sab behtar ,tum chor chale ye aur acha
Khwabon mein mager majbooron ke ye aana jana theek nahin
Keh do ke nahin hum mil sakte, keh do ke koi majboori hai
Lekin ye labon tak la la ker, baton ko chupana theek nahin
E shooq-e-junoon ab baaz bhi aa, kuch maan bhi le tu mera kaha
Jo jaan ke bhi anjaan bane,gham usko sunana theek nahin
Ab chor bhi do deewana pan, ab bhool bhi jao maazi ko
E 'shams' ye pal pal khilwat mein ashkon ka bahana theek nahin...!
No comments:
Post a Comment