sari duniya mein meray ji ko laga eik hi shahks
eik hi shahks tha baa-khuda eik hi shahks
darja_e_kufr sahi mudha_e_jamal jana
dil say poocho to khuda say bhi bana eik hi shahks
aisa lagta hai sabhi ishq kisi eik say the
aisa lagta hai mujhe milta raha eik hi shahks
main to ai ishq teri qooza ghari janta hoon
tu nay hum do ko milaya to bana eik hi shahks
mujh say naraz na hona meray logo
kya karo meri mohabbat nay chuna eik hi shahks
tu joh kehta hai teray jaisay kayee aur bhi hain
tujhe da'awa hai to hud sa dikha eik hi shahks
tu jise chahta hai main bhi usay chahta hoon
acha lagta hai mujhe teray siwa eik hi shahks
No comments:
Post a Comment