Chahat ka rung tha na wafa ki lakeer thi...!!
Qatil ke haath main to hena ki lakeer thi...!!!
Khush hoon ke waqt-e-qatal mera rang surkh tha...!!
Mere labon pe harf-e-dua ki lakeer thi....!!
Main kaarwa’n ki rah samajhta raha jise..!!
Sohra ki rait per woh hawa ki lakeer thi....!!
Sooraj ko jisne shab ke andheron main gum kiya...!!
Mouj-e-shafaq na thi woh qaza ki lakeer thi...!!
Guzra hai shab ko dasht se shayed woh perda daar..!!
Her naqsh-e-pa ke saath rida ki lakeer thi...!!
Kal uska khat mila ke saheefa wafa ka tha.!!
Mohsin her ek sitr haya ki lakeer thi...!!
No comments:
Post a Comment