Tazzaad-e-jazbaat me yeh naazuk muqaam aaya to kiya karogay....
Main hans raha hoon, tum Roa rahi ho, main muskuraya to kiya karogay?
Kuch apnay dil par bhi chott khao meray lahoo ki bahaar kab tak...
Mujhay sahara bananay waalon, main larkharaaya to kiya karogay?
Abhi talqeen ho rahi hai, meray mizaaj-e-junoon pe lekin...
Tumhari zulfon ki barhami ka sawaal aaya to kiya karogay?
Abhi to daaman chura rahay ho, bigur kar mujh se yun ja rahay ho...
Magar kuch apnay liye bhi socha, Main yaad aaya to kiya karogay?
No comments:
Post a Comment