Kyon Na Mujh Per Itaab Ho Jaye,
Yeh Bhi Kaar e Sawab Ho Jaye.
Khaar Dekho Jo Muskurake Tum,
Phool Ka Woh Jawaab Ho Jaye
Aao Chalte Hain Mai Kade Ki Taraf,
Ek Daur e Sharab Ho Jaye
Ya Ilahi Jo Raat Dekha Hai,
Ik Haqeeqat Woh Khwaab Ho Jaye
Unki Nazron Se Khud Gire Bijlee,
Khaak Unka Naqab Ho Jaye
Dekh Lo Tum Gulabi Ankhon Se,
Saara Pani Sharab Ho Jaye
Tum Agar Rooth Jao Manzar Se,
Zindagi Ik Azaab Ho Jaye
No comments:
Post a Comment