kabhi tum ne yeh bhi soocha

kabhi tum ne yeh bhi soocha
k tumhare dill girafta
tumhain kitna chahte hain?

tumhain zindagi se bardh ker
jo azeez hum ne jana
so, koi sabab to ho ga
kabhi tum ne yeh bhi soocha?

sar e shaam muntazir the
kahin neelmiin uujaale
kahin titliyaan laboon ki
kahin phool jaise aaraz
kahin qamqamoon si aankhain

yeh jo charah gar humare
koi ssa.at e rafaqat
sar e shaam maangte the
unhain kia khabar k hum ne
tumhain soonp di hain raatain
tumhain daan ki hain aankhain

kabhi tum ne yeh bhi soocha
k tumhare dill girafta
pas e baam o dar akaile
kisi shama e sookhta se
yeh jo ker rehe hain baatain
tumhain kitna chahte hain?

tumhain rooz o shab k dukh main
kabhi bhoolna bhi chaahain
to kabhi na bhool paain
k yeh ahed e zindagi hai
jise toordna bhi chahhain
to kabhi na toord paayin