Ya takide Muhabat hai

Ya takide Muhabat hai
Ya tajdeede muhabat hai
Mager jo kuch bhi hai janan
Ye toheedeh Muhabat hai
So toheedeh muhabat me bicherne ka kabhi dharka nahi hoya
Bajuz chahhat kisi dil me koi jazba nahi hota
kabhi takeed ya tajdeed ki nobat nahi ati
koi kagaz, koi khat, phool ya tohfa nahi hota
Meri aankhon me jitne rang hain un sab me chahat hai
mere hothon pe jitne harf hain un me Aqeedat hai
Tumhe maloom hai chaht to ik aesi haqeeqat hai
Jise lafzon, Khaton, phoolon ya tohfon ki
Zarorat hi nahi hoti
jahan Dil se Nikal ler baat khud Dil tak pohanchti hai
Jahan ankhon se nikle Ashq khud izhar kerte hain
Ke ham kis haal me hain
Aur kitna PYAAR kerte hain
So aey jane gazal dekho
Meri Chahat, Dharakta Dil aur is me mojzan Jazbe
Meri Chahat ka Tohfa hain
Meri chahat ke sab Tohfe tumhare pass hain Janan
Mujhe Yume muhabat pe Tumhe kuch bhi nahi Dena