main zindgi dhondnay chali thi

main zindgi dhondnay chali thi
par zindgi bhala kahan mili thi

shochti thi zindgi hai titlion mayn,baharon mayn,
mager bhanwray aur khizayin bhi to hoti hayn

samajhti thi zindgi hai khushion mayn,muskanon mayn,
mager ghum kai saaey,dhukh bhari sadayin bhi to hoti hai

khiyal tha zindgi hai takmel-e- khawashon mayn,
pur tabeer khabon mayn,
mager na tamam hasratayn ,udas nigahayn bhi to hoti hain

shaid mayn khoi thi apni asaishon mayn, aramon mayn,
nahi samajhti thi kahen in k liay duain bhi to hoti hayn

na tha ye khwabon mayn, khiyalon mayn,
k zindagi mayn mot ki ridayin bhi to hoti hayn

aur jub pa lia yeh raz-e-zindagi to janay q
dil mayn bhari hai udasi har soo

mayn zindagi dhondnay chali thi
aur shaid yehi mayri galti thi.