Kis Tarah Rokta Hoon Ashqon Ko

Kis Tarah Rokta Hoon Ashqon Ko, 

Kis Tarh Dil Pe Jabar Karta Hoon,

Aaj Bhi Karzar-E-Hasti Mein,

Jab Tere Sheher Se Guzarta Hoon, 

Haal-E-Dil Bhi Na Keh Saka, Garcha, 

Tu Rahi Muddaton Kareeb Mere, 

Kuch Teri AzMaton Ka Dar Bhi Tha, 

Kuch Khayalat The Ajeeb Mere, 

Akhar-E-Kar Wo Ghadi Aayi, 

Bar-War Ho Gaye Raqeeb Mere, 

Tu Mujhe Chhod Kar Chali Bhi Gyai, 

Khair........KisMat Meri, Naseeb Mere, 

Ab Main Kyon Tujhse Pyaar Karta Hoon, 

Jab Tere Sheher Se Guzarta Hoon, 

Jo ZaMana Teri Mohabbat Ka, 

Ek Bhooli Kahani Hai, 

Tere Kooche Mein UMar Bhar Na Gaye, 

Saari Duniya Ki Khaak Chhani Hai, 

Lazzat-E-Kurab Ho Ke ZaMana-E-Firak, 

Jo Bhi Hai Teri Meherbani Hai, 

Kis TaManna Se Tujhko Chaha Tha, 

Kis Mohabbat Se Haar Maani Hai, 

Apni KisMat Pe Naaz Karta Hoon, 

Jab Tere Sheher Se Guzarta Hoon, 

Ashq Palkon Pe Aa Nahi Sakte, 

Dil Mein Hai Teri Aabru Ab Bhi, 

Tujhse Roshan Hai Qaaynat Meri, 

Tere Jalwe Hai Chaar-Soo Ab Bhi, 

Apne GaM Khan-E-Takheeol Mein, 

Tujhse Hoti Hai Guftagu Ab Bhi, 

Main To Mushkil Se Aah Bharta Hoon, 

Jab Tere Sheher Se Guzarta Hoon...

_________________