Saturday, June 12, 2010

Aankhon Mein Bas Ke Dil Mein Samaa Kar Chaley Gaye

 
Aankhon Mein Bas Ke Dil Mein Samaa Kar Chaley Gaye 
Khwaabida Zindagi Thi Jaga Kar Chaley Gaye 

Chehrey Tak Aasteen Woh Laa Kar Chaley Gaye 
Kya Raaz Tha Ki Jiss Ko Chipa Kar Chaley Gaye 

Rag Rag Mein Iss Tarah Woh Sama Kar Chaley Gaye 
Jaisey Mujh Hi Ko Mujh Say Chura Kar Chaley Gaye 

Aaye Thay Dil Ki Pyaas Bujhaaney Ke Waastey 
Ikk Aag Si Woh Aur Lagaa Kar Chaley Gaye 

Lab Thar-thara Ke Rah Gaye Lekin Woh Aey "Jigar" 
Jaatey Huwey Nigaah Mila Kar Chaley Gaye ….!

No comments:

Popular Posts