Saturday, June 5, 2010

aur too kuch maloom nahi bas itna yaad hai

aur too kuch maloom nahi 
bas itna yaad hai 
mere hathoon main us ke 
phool jaise hath 
kuch dair thartharaye thay 
sham ke bhartay hoay saye 
humari aankhon main utar aaye thay 
mujhe kuch kehna tha shayad 
usay janay ki jaldi thi 
is ujlat main us nay 
ik baar mur ke dekha tha 
aur doobtay sooraj nay 
hamaray mathay ko 
aakhri baar chooma tha 

aur too kuch maloom nahi 
bas itna yaad hai 
mere hathoon main us ke phool jaise hath 
kuch dair thartharaye thay

No comments:

Popular Posts