Kaho Ab Kya Kahoo'n Tum Se
Batao Kya Likhoo'n Tum Ko
Mujhey Tamheed Do Koi
Mujhey Umeed Do Koi
Naya Ik Lafz Ho Koi
Jahan Se Baat Chal Nikley
Meri Mushkil ka Hall Nikley
Batao Lehja Kaisa Ho !
Ke Tum Se Baat Karni Hai
Mujhey Thora Ujaala Do
Basar Ik Raat Karni Hai
Zara Bolo To Main Likhoo'n
Tum Apni Roshan Aankhoo'n Ko
Agar Kholo To Main Likhoo'n
Tumhaarey Lab Se Aaye Ga
Sukhan Mein Ik Kateela Pan
Tumhaari Aankh De De Gi
Takhaatub Ko Nasheela Pan
Kaho Ab Kya Iraada Hai
Mujhey IZhaar Karna Hai
Ke Betaabi Zayada Hai
No comments:
Post a Comment