JAB BHI AATI HAIN KHAYALON MAI TUMHARI AANKHAIN

JAB BHI AATI HAIN KHAYALON MAI TUMHARI AANKHAIN
BHEEG JATI HAIN KISI GHAM SE HUMARI AANKHAIN

TUM MERAY PAS NAHI PHIR BHI TUMHARA CHEHRA
SOOCHTI REHTI HAIN DARD KI MARI AANKHIN

SILSILA TOOT BHI SAKTA THA BASARAT KA KABHI
THAM LETI NA AGAR AANKH TUMHARI AANKHAIN

MANZIL-E-ISHQ MAI AISA BHI MUQAM AYA HAI
LE GAYE AANKHON K BADLAY WOH HUMARI AANKHAIN

ASHK SAGAR BANAY TEHRIR BANI HAI ZANJEER
JAB SE BICHRI HAIN TERI PYAR SE PYARI AANKHAIN

JANAY KIA BAAT HAI KUEN DEKHTI REHTI HAIN
MERI AANKHON KI TARAF SHEHAR KI SARI AANKHAIN