,Hazaron dukh hain
Kahan kehkashaan sii rahguzar hai
Ghame hastii, ghame janaa
Shakastagii ka musalsal toofan
Charon taraf jaise
khada hai wehshat ka azdhaa
Ruston mein jaise muqadar huwa
Narsayon, Namooradiyon ka ghnaa jangle
Aur idher hai faqat!
Ikk sehmaa huwa Dil......
Magar janaa! Mujhe yaqeen hai
Main itnii be yaqeenyon ke darmiyaan bhi chamakta rakhoon gii
tumharii mohabbat ka qeemtii jugnoo
Apne Dil mein Zindah rakhoon gii
*Tumhara Naam*
No comments:
Post a Comment