khushaal se tum bhi lagtay ho
yoon afsurda tau hum bhi nahi
par jannay walay jantay hain
khush tum bhi nahi khush hum bhi nahi
tum apni khudi kay pehray main
aur dam-e-ghuroor main jakray huay
hum apni zaum kay narghay main
ana haath humaray pakray huay
aik mudat say ghalta paicha
hum apnay aap say uljhay huay
pachtaway kay angaro main
mehsoor talatum aaj bhi ho !
go tum nay kinaray dhoond liye
toofan se sambhlay hum bhi nahi
kehnay ko saharay dhoond liye
khamosh se tum hum mehar ba lub
jug beet gaye tik baat kiye
suno! khel adhoora chortay hain
bina chaal chalay bina maat kiye
jo bhaagtay bhaagtay thuk jayen
woh saaye ruk bhi saktay hain
chalo toro qasam .... iqrar karain
hum dono jhuk bhi saktay hain !!!
No comments:
Post a Comment