Agar Wo Meherbaan Hota,
To Teri Aankhon Mein
Na Jhilmilate Ye Nami Hoti,
Na Tere Dil Ki Wadi Mein,
Khizan Ka Ye Qaafla Rukta
Agar Wo Meherbaan Hota,
Teri Benoor Aanhon Mein,
Sitara Qaid Kar Deta,
Teri Zakhmi Hatheli Pe
Wo Koi Phool Rakh Deta
Teri Hathon Ko Apne Haath Mein
Lekar Wo Ye Kehta
Mohabbat Roshni Hai Rang Hai
Khushbu Hai Sitara Hai
Qasam Mujhe Mohabbat Ki
Mujhe Tu Sab Se Pyara Hai,
Magar Aisa Wo Tab Kehta
Agar Wo Meherbaan Hota...
No comments:
Post a Comment