Karun Na Yaad Agar Kis Tarah Bhulun Use,
Gazal Banana Karun Aur Gungunaun Use,
Wo Khaar-Khaar Hai Shaakh-E-Gulaab Ki Maanind,
Main Zakhm-Zakhm Hoon Phir Bhi Gale Lagaun Use,
Ye Log Tazkare Karte Hai Apne Logon Se,
Main Kaise Baat Karun Aur Kahan Se Laun Use,
Magar Wo Zuud-Faramosh Zuud Ranj Bhi Hai,
Ke Rooth Jaye Agar Yaad Kuch Dilaun Use,
Wahi Jo Daulat-E-Dil Hai Wahi Jo Raahat-E-Jaan,
Tumhari Paat Pe Aye Naasiho Ganwaun Use,
Jo Humsafar Sar-E-Manzil Bichhad Raha Hai 'Faraz',
Ajab Nahi Ki Agar Yaad Bhi Na Aaun Use...
No comments:
Post a Comment