Saturday, July 17, 2010

Haan Abhi Soch Le Faislon Ka Safar


Haan Abhi Soch Le
Faislon Ka Safar
Lafz Ki Narm Chaanv Mein Katta Nahin
Aur Sun
Faislon Ki Nadamat Se TaQleef Deh Koi Bhi Dukh Nahin
Jitne Khadshe Mere Saath Chalne Mein Hain
Is Dorahe Pe Ruk
Aur Inhe Apni Aankhon Mein Tarteeb De
Jaan Le
WaQt Ke Dasht-E-Bey Barg Mein Wapsi Ke Liye Koi Rasta Nahin
(Manzaron Ka Naya Pan Puraani Ruton Ke Liye Maut Hai)
Jo Hawaa Mere Jumley Ke Aghaaz Mein
Tere Baalon Ko Chhute Hue Chal Rahi Thi Usi WaQt Se
Mar Chuki Hai Ke Ab
Us Ka Hona Na Hona Tere Waste Ek Hai
(Aur Tujh Ko Pata Hai Kisi Ki Zindagi Us Ta'aluQ Se Hai Jo Kisi Zaat K

Rabtey Se Bane
Haan Yehi WaQt Hai
Rabte Aur TaaluQ Ke Mayne Samajh
Jitney Khadshey Merey Saath Chalne Mein Hain
Is Dorahe Par Ruk
Aur Inhein Apni Aankhon Mein Tarteeb Dey
Ke Abhi Tere Haathon Ka Har Rabta
Tere Haathon Mein Hai!!!

No comments:

Popular Posts