Na Raasta Sujhayi Deta Hai Na Manzil Dikhayi Deti Hai

Na Raasta Sujhayi Deta Hai,
Na Manzil Dikhayi Deti Hai,
Na Lafz Zubaan Par Aate Hai,
Na Dhadkan Sunayi Deti Hai...

Ek Ajeeb Si Kaifiyat Ne
Aan Ghera Hai Mujhe
Ke Har Surat Mein
Teri Surat Dikhayi Deti Hai...

Ye Milna Aur Bichhad Jana
Kab Apne Bas Ki Baat Hai,
Kismat Hi Milati Hai Humko,
Kismat Hi Judayi Deti Hai...

Har Baar Yehi Hota Hai,
Koi Hamein Bataye To Sahi,
Jo Tumse Nahi Keh Paate Hai
Dhadkan Se Sunayi Deta Hai...

Tum Jaante Ho Kya Tumse Kahein
Bechain Bahut Dil Hota Hai,
Jab Paas Nahi Ho
Door Saari Khudayi Hoti Hai...