Hamein Wakt Se Ranj-O-Malal Kya Jo Guzar Gaya Wo Guzar Gaya,

Hamein Wakt Se Ranj-O-Malal Kya Jo Guzar Gaya Wo Guzar Gaya,
Use Yaad Karke Na Dil Dukha Jo Guzar Gaya Wo Guzar Gaya,

Na Gila Kiya Na Khafa Hue Yunhi Raaste Me Juda Hue,
Na Tu Bewafa Na Main Bewafa Jo Guzar Gaya Wo Guzar Gaya,

Wo Gazal Ki Ek Kitab Tha Wo Gulon Mein Ek Gulab Tha,
Zara Der Ko Koi Khwaab Tha Jo Guzar Gaya Wo Guzar Gaya,

Wo Udaas Dhoop Samet Kar Kahin Waadiyon Mein Utar Chuka,
Use Ab Na Demere Dil Sada Jo Guzar Gaya Wo Guzar Gaya,

Ye Safar Bhi Kitna Taweel Hai Yahan WaQt Kitna

Qaleel Hai,
Kahan Laut Kar Koi Aayega Jo Guzar Gaya Wo Guzar Gaya,

Wo Wafayein Thi Ke Jafayein Thi Ye Na Soch Kiski Khatayein Thi,
Jo Tera Hai Usko Gale Laga Jo Guzar Gaya Wo Guzar Gaya,

Koi Gulistan Nahi, Koi Khooshbu Ab Kisiki Zindagi Mein Nahi,
Ye Ujjad Mehlon Ki Sun Sada Jo Guzar Gaya Wo Guzar Gaya,

Tujhe Aitbaar-O-YaQeen Nahi, Duniya Itni Buri Nahi,
Na Malal Kar Mere Sath Aa Jo Guzar Gaya Wo Guzar Gaya...