Suno..... Naaraz Ho Humse

Suno.....
Naaraz Ho Humse???

Magar Hum Wo Hain Jin Ko To Manana Bhi Nahi Aata,
Kisine Aaj Tak Humse Mohabbat Jo Nahi Ki Hai,

Mohabbat Kis Tarah Hoti Hai?

Hamare Shaher Ki Galiyon Mein To
Sakht Pehra Tha Khizaon Ka,
Aur Is Sheher-Pareshan Ke Gulshan
Sukhe Gulabon Se Bhari Thi,
Aur Un Mein Na Khushbu Thi Na Koi Phool Tum Jaisa,
Mehak Uthti Hamari Dil Ki Dhadkan Jiski Qurbat Se,
Hum Aise Sheher Ki Sunsaan Galiyon Mein,
Kisi Sukhe Hue Veeran Patte Ki Tarah Se The,
Ke Jab Zalim Hawa Hum Par Qadam Rakhti,
To Uske Paanv Ke Niche Hamara Dam Nikal Jaata,
Magar Patjhad Ka Wo Mausam,
Suna Hai Tal Chuka Ab To,
Magar Jo Haar Honi Thi
So Wo To Ho Chuki Hamari,

Suno......
Haare Hue Logon Se To Rootha Nahi Karte...