Yeh ik piyara sa jo rishta hai Kuch mera hai, Kuch tera hai

Yeh ik piyara sa jo rishta hai
Kuch mera hai, Kuch tera hai
Kahen likha nahin kahen parha nahin
Kahen dekha nahin, kahen suna nahin
Phir bhi jana pehchana hai
Kuch mera hai, Kuch tera hai
Kuch masoom sa, Kuch ulbela
Kuch apna sa, Kuch begana
Kuch chanchal sa, Kuch sharmila
Kuch sukh sa, Kuch sunjeeda
Kuch uljha howa, Kuch suljha suljha
Kuch masti bhara, Kuch khafa khafa
Kuch mera hai Kuch tera hai
Yeh piyara sa jo rishta hai
Kabhi kari dhoop main saya hai
Kabhi andheri raat main jugnu hai
Kabhi bin badal barsaat hai
Kabhi bhatkay howaon ka rah-bar hai
Kabhi rasta hai, Kabhi manzil hai
Kuch mera hai Kuch tera hai
Yeh piyara sa jo rishta hai
Kabhi dhagay say isay bandha nahhin
Kabhi ehad-o-paiya'n main jakra nahin
Kabhi haq bhi to apna jataya nahin
Phir bhi yeh kitna piyara hai
Jisay hum nay sachey moti ki tarhan
Dil ki sipi main qaid kiya
Sab ki nazro'n say dhanp liya
Kabhi maan diya, kabhi aetbar kiya
Sub kuch hi is par var diya
Kuch mera hai Kuch tera hai