teri surat jo dilnasheen ki hai
aashna shakal her haseen ki hai
husan sey dil laga k hasti ki
her ghari hum ney aatsheen ki hai
subh_e_gul ho k shaam_e_may khana
madah us rooey nazneen ki hai
shaikh sey bey hiraas miltey hain
hum ney toba abhi nhi ki hai
zikre_e_dozakh,bayan_e_ hoor _o_qasoor
baat goya yaheen kaheen ki hai
ashk to kuch bhi rang la na sakey
khoon sey tar ,aaj aasteen ki hai
kesey maney haram k sahal pasand
rasam jo ashiqoan k deen ki hai
Faiz! oaj_e_khayaal sey hum ney
aasmaan Sindh ki zameen ki hai
No comments:
Post a Comment