Main jaanti hooN
Barhaa youn bhe hota hai
ke qalm jab harf ugalti hai
in meiN chhupe anmol jazbe
apni beqadri se preshaN
shakasta haal se lagte haiN
to kitne bemol ho jate haiN
aur mujhe maaloom hai
ke aisa bhe hota hai
ke dewaar e khayal se
ser paTkhte ser Tukrate
ye shor machate baghi lafz
jab rah e farar pate haiN
nok e qalm se phisal ker
safha e kitaab pe aate haiN
to kitne seham se jate haiN
No comments:
Post a Comment