Tum kehtay ho to such ho ga
Aag mein gul khil saktay hongay
mil kar dil kho saktay hongay
kho kar dil mil saktay hongay
Tum kehtay ho to such ho ga
rang-birang kay saaray panchi
mil jul kar urr saktay hongay
Aan hee Aan mein jeevan sapnay
toot k phir jurr saktay hongay
Tum kehtay ho to such ho ga
Yeh sab kuch ho sakta ho ga
lekin baat ik aur bhee hai
meray ilawa bhee kya koi
tum ko yun such maanay ga?
No comments:
Post a Comment