Saturday, July 21, 2012

un ko meri wafaoon ka iqrar bhi nahi

un ko meri wafaoon ka iqrar bhi nahi
aur pocheye tu jurrat-e-inkaar bhi nahi

merey kholoos per jo bharosa na ho tumhain
mujh ko taluqaat pe israr bhi nahi

hain merey ghum-gusaar agar mujh sey bad gumaa.n
main ghum-gusariyoo.n ka talab-gaar bhi nahi

gull kar deye charagh kisi nay tu kya howa
ab roshni sey hum ko sar-o kaar bhi nahi

kaam un sey aa para hay muqaddar ki baat hay
hum jin sey guftugu k rawa-daar bhi nahi

un rastoo.n sey ho kar guzar aai zindagi
jin rastoo.n main saya-e dewaar bhi nahi

maazi bohat aziz hay Iqbaal ko magar
wo eh'd-e raftagaa.n ka aza-daar bhi nahi

No comments:

Popular Posts