hansi khankti hui aur bhuji bhuji khushiyaan

hansi khankti hui
aur bhuji bhuji khushiyaan
hai Pyar ki mahek se
hai rachi hui ghariyaan
maza anokha sa hai
aate jaate lamhon main
kitaabain godh mein pheli
hai khoye baaton mein
rafaqaton mein khazana
jo hum ne paaya hai
na dil pe bojh hai koi
na ghum ka saaya hai
humein ye ghunn hai ke khushboo
ko hum to dekhain gay
yaqeen hai ke sitaaron
ko bharh ke choo lain gay
khula ye raaz bicharna
bhi tha bahaaron ko
kisi ke haath nahin
choo sake sitaaron ko
kabhi dareechon mein shammain
jo hum jalaatain hain
toh geet lehjay khayalon
main gungunate hain