Monday, August 12, 2013

Khalish-e-hijr-e-daayami na gayi

Khalish-e-hijr-e-daayami na gayi
tere ruKh se ye beruKhi na gayi

puuchhate hain ke kya hua dil ko
husn vaalon ki saadagi na gayi

sar se saudaa gaya muhabbat ka
dil se par is ki bekali na gayi

aur sab ki hikaayatein kah dein
baat apni kabhi kahi na gayi

ham bhii ghar se 'Munir' tab nikale
baat apanon ki jab sahi na gayi

No comments:

Popular Posts