Monday, August 12, 2013

na jaane aaj ye kis kaa Khayaal aayaa hai

na jaane aaj ye kis kaa Khayaal aayaa hai
Khushi ka rang liye har malaal aayaa hai


wo ek shaKhs ki haasil na thaa jo Khud ko bhi
mitaa kisi pe to kaisaa bahaal aayaa hai

zubaa.N pe harf-e-talab bhii nahi koi phir bhi
nigaah-e-dost mein rang-e-jalaal aayaa hai

kiyaa na zikr bhii jis kaa tamaam umr kabhi
hamaare kaam bahut vo malaal aayaa hai

nahi hai tum se koi dosti bhi ab to magar
qadam qadam pe ye kaisaa vabaal aayaa hai

No comments:

Popular Posts