HaMare DaM Mein Dard-E-Ishq Wo Taaseer Dalega

HaMare DaM Mein Dard-E-Ishq Wo Taaseer Dalega, 

Ke Tesha Aah Ka Us Sang-E-Dil Ko Cheer Dalega, 

Main Itna NadiM-O-SharMinda-E-Baar-E-Gunah Hounga, 

Khudawand Cheer Mera NaaMa-E-Taqseer Dalega, 

Main KirMak Hoon, Mujhe Aakhir Ko Soo-E-Toor Jaana Hai, 

Andhera Kab Talak Is Paanv Mein Zanjeer Dalega, 

Khuda Ya! Kab Khichegi ZaliMon Ki Paanv Ki Rassi? 

Tu Kab In Gardanon Mein Phanda-E-Ta'zeer Dalega?

Ek Aisi Soz Ki Ye Dil TaManna Karta Rehta Hai, 

Jo ZaMil Ke Sukhan Mein Aatish-E-Dilgeer Dalega...