Monday, May 24, 2010

Tum bhi Khafaa ho, log bhi be-raham hain dosto

Tum bhi Khafaa ho, log bhi be-raham hain dosto
Ab ho chalaa yaqin, ke bure ham hain dosto 


Kisko hamaare haal se nisbat hai kyaa karen
Ankhen tou dushmano ki bhi pu-nam hain dosto 


Apne siva hamaare na hone ka gham kise
Apnii talaash mein to ham hi ham hain dosto 


Kuch aaj shaam hi se hai dil bhi bujhaa bujhaa 
Kuch shahar ke chiraag bhi maddham ha.n dosto 


Is shahar-e-aarzoo se bhi bahar nikal chalo
Ab dil ki raunaqen bhi koi dam hain dosto 


Sab kuch sahi 'Faraz' par itana zaroor hai 
Duniya mein aise log bahut kam hain dosto 

No comments:

Popular Posts