Wo Meri TaMaM Wafao Ka Sila Kuch Is Tarah Se Deta Hai

Wo Meri TaMaM Wafao Ka Sila Kuch Is Tarah Se Deta Hai, 

Baat Kar Ke Kuch Aisi Mujhe Meri Hi Nazron Mein Gira Deta Hai, 

Khayal Rakhta Hai Wo Mera Kuch Is Tarahse, 

Ke Zubaan Ke Nishtar Se Mujhe Maar Deta Hai, 

Wo Teri Baat Phaans Ban Kar Atak Jaati Hai Mere Dil Mein,

Wo Kabhi Kabhi Bin Maut Mujhe Maar Deta Hai, 

Banti Hai Phir Meri Zaat Hi Shikwe Shikayaton Ka Mehwar, 

Yun Lagta Hai Wo Mujhe Mere Hone Ki Saza Deta Hai, 

Najaane Kaise Sehta Hai Wo Mere Wajood Ko, 

Mujhe Apne Upar Bojh Qarar Deta Hai, 

Bhool Jaati Hoon Main Bahut Jald Apne Upar Honewali Zyadtiyon Ko, 

Wo Jab Ek Baar Mujhe Dekhkar Muskura Deta Hai...