Kisiko Humse Hai Chand Shikwe Kisiko Behad Shikayatein Hian,
Hamare Hisse Mein Sirf Apni Safaiyan Hai, Wazahatein Hian,
Qadam Qadam Par Badal Rahe Hai Musafiron Ki Talab Ke Raaste,
Hawaon Jaisi Mohababt Hia, Sadiyon Jaisi Rafaqatein Hain,
Kisika Maqrooz Main Nahi Par Mere Girebaan Pe Haath Sabke,
Kio Meri Chahaton Ka Dushman Kisiko Darkaar Chahatein Hain,
Teri Judai Ke Kitne Sooraj Ufaq Pe Doobe Magar Abhi Tak,
Khalish Hai Seene Me Pehle Din Si Lahoo Mein Waisi Hi Wehshatein Hain,
Meri Mohabbat Ke Raazdaan Ne Ye Keh Ke Lauta Diya Mera Khat,
Ke Bhigi Bhigi Si Aansuon Mein Tamam Gunjalak Ibaaratein Hain,
Main Doosron Ki Khushi Ki Khatir Gubaar Bun Kar Bikhar Gaya Hoon,
Magar Kisine Ye Haq Na Mana Ke Meri Bhi Kuch Zarooratein Hain...
No comments:
Post a Comment