Intezaar Karte Hai Hum Aapka Der Tak

Intezaar Karte Hai Hum Aapka Der Tak,
Aap Ko Na Aane Ki Aadat Si Ho Gayi Hai,

Baat Baat Pe Muskurate The Hum,
Ab To Rone Ki Aadat Si Ho Gayi Hai,

Kabhi Talab Karte The Tumhe Hum,
Ab To Berukhi Sehne Ki Aadat Si Ho Gayi Hai,

Kabhi Ek Humdard Chahte The Hum Bhi,
Par Ab To Tanha Gam Sehne Ki Aadat Si Ho Gayi Hai,

Jab Se Sochna Shuru Kiya Hai Tumko,
Saari Saari Raat Jaagne Ki Aadat Si Ho Gayi Hai,

Ab To Chahe Chhod Bhi Do Humein,
Tum Bin Rehne Ki Aadat Si Ho Gayi Hai,

Jise Bhi Chaha Hum Ne Wo Chhod Kar Chala Gaya,
Ab To Khone Ki Aadat Si Ho Gayi Hai,

Jab Se Tum Gaye Ho Hamein Chhod Kar,
Tab Se Chup Rehne Ki Aadat Si Ho Gayi Hai...

Tumse Na Koi Shikwa Na Koi Shikayat Hai Hamein,
Bas Khud Se Shikayat Karne Ki Aadat Si Ho Gayi Hai,

Malum Hai Ke Hamari Kismat Mein Tum Nahi,
Bas Kismat Se Ladneki Aadat Si Ho Gayi Hai,

Tum Jahan Bhi Raho Bas Khush Raho,
Ye Duwa Mangne Ki Aadat Si Ho Gayi Hai...