Chalo kuch baat kartey hain...
Us kay shaher main basar
Hum ek raat kartey hain
Sochtey hain sakoon apnaa
Phir say dawaam paa jaye
Zindagee main jo us kay sang
Mayasar, shaam aa jaye
Us kee hon, humaaree hon
Mohabbat main sabhee batain
Jo sab kay lab pay jaree hon
Enhee baton kee khushbu say
Hum apnee raat mahkaaain
Us kay aariz o lab kee
Zufashaanee say chamkaain
Har ek tareek lamhey ko
Jo us kay sang nahee beetaa
Mohabbat khail baithaa hoon
Magar us ko nahee jeetaa
Ab yaadon main rahtaa hoon
Jo us ko kah sakaa naa tab
Woh sab batain main kahtaa hoon
Kabhi ghazlon main, shayron main
Shab kay aakharee pahron main
Usee ko sochataa rahtaa hoon
Jo koi dost aa jaye
Usay itnaa hee kahta hoon
Chalo kuch baat kartey hain....
No comments:
Post a Comment