Abhi tu aghaz-e-safr tha

Abhi tu aghaz-e-safr tha
Abhi tu bahar ka phela gulaab khilla tha
Abhi tu sawan ki pheli boond barsi thi
Abhi tu diyeoon may roshni baqi thi
Abhi tu khawab palkoon pe tehray thay
Abhi tu neendain kachi thien
Abhi tu ehad-o-pemaan honey baqi thay
Abhi tu roothna manana baqi tha
Abhi tu dharkanain be-tarteeb thien
Phr
Tum kahan tehar gaye jaanan
Tum kia tehray
Tehar gaye waqt kay sub lamhat
Tehar gaye meray aansu aankhon may
Tehar gaye raaton kay awara tarey
Tehar gaye sub behr-o-bar
Per jaanan
Tum kahan tehar gaye
Tum kahan tehar gaye