Na janay kitne dard dekhe hain

Na janay kitne dard dekhe hain
samandaron mein ashk dekhe hain

chandni rat-jagon mein ghultay
yaadon kay raqqs dekhe hain

gham-e-doran mein lazatein payin
qehqahon mein dasht dekhe hain

mail-jol, na maraasim koee
humne aise bhi rabt dekhe hain

lab khaamosh , magar alfaaz
ankho mein naqsh dekhe hain

aasmani chanchal rungo ke bas
paaniyon mien aks dekhe hain

char-deewari mein rihaai aur
khuli fizaon mein habs dekhe hain....!!!!