Saturday, January 7, 2012

Ye jo hum safar mein bhi ghar saa ek banatay hain

Ye jo hum safar mein bhi ghar saa ek banatay hain
Reit ke samandar mein kashtiyaan chalatey hain

Abb ke kis tarhaan ka ye mausam-e-visaal aaya
Titliyoun ke haathon se rangg urtey jatey hain

Jin pey faakhtaaon ke geet phool buntey hoon
Aaao ! un darakhton per naam likh ke aatey hain

Pehley saath chalney sey dil ko khauff aata thaa
Aur abb bicharney ke wasvasey daratey hain

Us ke laut aaney ka khwab dekhtii aankehin
Shaam sey dareechey mein rakh ke baith jatey hain

Us taraf samandar ke khaufnaak taiwer hain
Aur hum ghaarondon mein seepiyaan sajatey hain

Vehshaatoon ke sehraa mein kaun ye bataey gaa
Kis ko yaad rakhtey hain kis ko bhool jatey hain..!!!

No comments:

Popular Posts