Monday, February 15, 2010

Log har mod pay ruk ruk kay sambhaltay kyon hain

Log har mod pay ruk ruk kay sambhaltay kyon hain,
Itna dartay hain to phir ghar say nikaltay kyon hain !



Main na jugnu hoon diya hoon na koi tara hoon,
Roshni vaalay meray naam say jaltay kyon hain !



Neend say mera taaluq hi nahin barso sein,
Khawab aa aa kay meri chat pay tehltay kyon hain !



Mod hota hai jawaani ka sambhalnay kay liyey,
Aur sab log yahin aa kay fisaltay kyon hain !



Log har mod pay ruk ruk kay sambhaltay kyon hain,
Itna dartay hain to phir ghar say nikaltay kyon hain !

No comments:

Popular Posts