Lafz Ehmiyat Rakhte Hain Ye Lafz Ehmiyat Rakhte Hain

Lafz Ehmiyat Rakhte Hain
Ye Lafz Ehmiyat Rakhte Hain
Kabhi Yeh Rooh Ko
Katal Kar Dete Hai,
Aur Kabhi
Ye Rooh Ko Jhulsa Dete Hai,
Lekin Ye Lafz Hi Hai
Jo Khwahishon Ke Tapte Hue Sehra Mein,
Jeevan Ke Phool Khila Dete Hai,
Ek Haare Hue Insaan Ko
Jeevan Ki Naveed Suna Dete Hai,
Kabhi Ye Saath Chhod Dete Hai,
Kabhi Ye Saath Chhudwa Dete Hai,
Kabhi Inke Zariye Nafrat
Doosron Ke Dilo Mein Utar Jati Hai,
Jo Rooh Ki Gehraiyon Ko Bhi
Zeher Zeher Kar Jaati Hai,
Lafzonki Wajashe Ye Zindagi
Bemaani Hoke Reh Jati Hai,
Aur Kabhi In Lafzon Ki Wajahse Ye Zindagi
Jannat Bhi Ban Jati Hai,
Kitni Takat Hai In Lafzon Mein,
Ke Zindagi Badal Jaati Hai,
Ye Lafz Hi Hai Jo Logonke
Dilon Ko Bhi Pigla Deti Hai,
Ye Lafz Hi Hai Jo Jism Ke Sath,
Rooh Ko Bhi Jhulsa Dete Hai,
Ye Lafz Ehmiyat Rakhte Hain,
Ye Lafz Ehmiyat Rakhte Hain...