Wednesday, November 2, 2011

aaj ju insan aafaton may giraftar hai us pe chand satoor kehi hain

aaj ju insan aafaton may giraftar hai us pe chand satoor kehi hain,


Barsat baras rehi hai
Matti key gharondon per
Bhipre houay hain darya
Matti kay puttlon per
Aafat-dar-aafat ka ho raha hai zahoor
Chaharsu
Mitt rehi hai khalqat-e-khuda
Chaharsu

Aastana-e-ilaahi pe kiyun jhukta nahi
Sar tumhara
Kis bat ka hai fakhar tumko
Kis bot ki hai aas tumko
Koun hai mushkil kusha tumhara
Koun hai haajit rawa tumhara

Aye ghafil insaan
Jag utho kay waqt
Hai bhari
Dua se tu tul gaye thi
paishangoi Yunas nabi ki
maayus mat hona
ummat ho Aakhir-uz-Zamaan ki
raaton ko karo girya-o-zaari
tul jaye gi ye aafat bhi qahari
hogi subah-e-roshan har su sari

No comments:

Popular Posts