Wednesday, November 2, 2011

Main raat key pardey per aik naqsh banata hoon

Main raat key pardey per aik naqsh banata hoon
Phir waqt-e-fajr aap ussey mitata hoon

Na janey kab loaut aye wo dil ka bhoola punchi
Aangan ki toti kamand pe hr sham aik diya jalata hoon

Meri talwarain zung aalood hain mai madad-e-gaib ka mutlashi hoon
Deekh meri sadgi-e-dil kaise kaise bot banata hoon

Aik bhorasa tha teri chahat per wo bhi chikna choor houa
Chunn kr inn tukroon ko aik naya lafz banata hoon

Qasmey wadey ehad-o-peymaan sub batain hain purani si
Kuch dair ko tehro kuch naya hurf dhoodh key laata hoon

No comments:

Popular Posts