Apni aawaz suna ke jo wo jaan-e-ghazal gaye

Apni aawaz suna ke jo wo jaan-e-ghazal gaye
 aisa laga ke jaisay dunia hi badal gaye

aisa laga ke sab ne hi uska pata maanga
 aisa laga ke deewana wo ker ke mehfil gaye

aisa laga ke sab hi usay chahaney lagay
 aisa laga ke le wo sabke jaan-o-dil gaye

aisa laga ke jaisay koi bheid pa lia
 aisa laga ke khlish-e-musalsal,nikal gaye

 aisa laga ke khoyee huyee raah mil gaye
 aisa laga ke zindagi ker mukamal gaye

aisa laga ke fiza main naghmay bikher gaye
 aisa laga ke urra ke hawa aanchal gayee

aisa laga ke khushboo ne koi phool choom lia
 aisa laga ke koi kali dil mein khil gaye

aisa laga ke dil ko bhi qarar aa gaya
 aisa laga ke khusi abb janib-e-dil gaye

aisa laga ke pyasay ko daria nazar aaya
 aisa laga ke khoyee manzil hi mil gaye

aisa laga ke her shay pe nikhaar aa gaya
 aisa laga ke gard-e-safar thi jo dhul gaye

aisa laga ke zehn-o-dil roshan se ho gaye
 aisa laga ke socho'n main mithaas ghul gaye

aisa laga ke safar abb khatam ho gaya
 aisa laga ke mojj sahil-ba-sahil gaye

aisa laga ke yaado'n ka koi karwaa'n chala
 aisa laga ke puljhari koi sukh ki chal gaye

aisa laga ke aanay wali kal haseen hai
 aisa laga ke ronay wali apni kal gaye

aisa laga ke shafaa ke koi hawa chali
 aisa laga ke beemaro'n ki sab mushkil gaye

aisa laga ke zindagi ko sab ne pukara hai
 aisa laga ke arzo-ey margg pal pal gaye

aisa laga ke sehra ki bhi pyas bujh gayee
 aisa laga ke sehra ki umeed-e-baadal gaye

aisa laga ke sehar abb honay hi wali hai
 aisa laga ke sham-e-hijar, nikal gaye

aisa laga ke bujhtay diye bhi roshan huye
 aisa laga ke shama-e-mohabat phir se jal gaye

aisa laga ke dukh bhi sab muskuraye hain
 aisa laga ke moj-e-ghum khushi main dhal gaye