Raat bhar jagao gay aanay wali rutt main bhi

Raat bhar jagao gay aanay wali rutt main bhi
kitna yaad aao gay aanay wali rutt main bhi

yaad ki parchaiyo'n se jhaanknay walay suno!
aankh to chalkao gay aanay wali rutt main bhi

soch ke dareecho'n ko khushboo sung khol ke
dard ko mehkao gay aanay wali rutt main bhi

sard sard raato'n main hum ko manind-e-aatish
phir se sulgao gay aanay wali rutt main bhi

janay wali rutt ke khawab ger lahoo rulayen gay
phir se kyun sajao gay aanay wali rutt main bhi?

dard ke mafhoom se aagah to kiya leiken
dard ban jao gay aanay wali rutt main bhi

mere shanoo'n ne sehay aankh ke aansoo tere
kaisay bhool pao gay aanay wali rutt main bhi

shayer janay gi mujhe nadaan ye dunia meri
aur tum likhwao gay aanay wali rutt main bhi

geelay kaghiz se bani wafa to nazuk kashti hai
kaisay paar lagao gay aanay wali rutt main bhi

ishq to hua leiken jakray hai kuch majboori bhi
baat yehi dohrao gay aanay wali rutt main bhi

utar ke aks yaad ke ashk bhari nigaho'n main
mujhko phir dafnao gay aanay wali rutt main bhi

dekh choott jayen gi zindagi ki sab saanse'n
tum jo chor jao gay aanay wali rutt main bhi

hum ke ker guzre'n gay jaantay to tum bhi ho
phir bhi aazmao gay aanay wali rutt main bhi

sukh ke choott jayen gay usi ki yaad aatay hi
dard ke bulao gay aanay wali rutt main bhi

hijr ko keren gay wo umer kuch aur aataa
wasl maat kaho gay aanay wali rutt main bhi

janay wali rutt ke sung jaa'n se hum jayen gay
tum to aa na pao gay aanay wali rutt main bhi

hatheliyo'n ke beechon beech lakeer-e-wafa khurch do
warna haath jalao gay aanay wali rutt main bhi

main ke intazar ke keron ga sab diye roshan
aur tum bujhao gay aanay wali rutt main bhi

hum ke iss aas main bulao gay humen kabhi
tum ke na bulao gay aanay wali rutt main bhi

mehv dil se kero do gay shabnami wado'n ko tum
haan tum bhulao gay aanay wali rutt main bhi

main ke ishq ka mujrim kaisay bakhsh dalo gay
sung to uthao gay aanay wali rutt main bhi

mohabbate'n barhanay ka ajab sa ye andaaz hai
faaslay barhao gay aanay wali rutt main bhi

tum se mitt na paye ga ye alag baat warna
naam to mitao gay aanay wali rutt main bhi

mere salook dekh dekh hawa ye mujh se keh gayee
tum fareb khao gay aanay wali rutt main bhi

tum bin muskuranay ke jo ehad yaad aaye'n gay
mujh ko phir rulao gay aanay wali rutt main bhi

main ne laakh poocha tha jana kyun zaroori hai ?
tum ke na batao gay aanay wali rutt main bhi

hum ke zard rung ke bujhay bujhay se phool hein
khushboo tum kehlao gay aanay wali rutt main bhi

lahoo sung behtay huye dardo! puranay yaar ho
saath tum nibhao gay aanay wali rutt main bhi

kya samajh rakha hai mujh ko itna bewafa !!
mujh ko tanha pao gay aanay wali rutt main bhi