Yaqeen Abhaam hona chahta hai

Yaqeen Abhaam hona chahta hai
JunooN gumnam hona chahta hai

Abhi tak tha dabi sergoshiyon mein
Wo ab paigham hona chahta hai

Bujha ker sab sham’on ko aagahi ki
Andhera aam hona chahta hai

Ponhach ke saamney manzil ke apni
Koi Nakam Hona chahta hai

Tere hontowN ko chu ker bey khudi mein
Piayala jam hona chahta hai

Teri zulfoN ki resham bandishoN mein
Ye wehshi raam hona chahta hai

Tamaashey ka naye baazigaron ke
Bas ab anjam hona chahta hai

Ayaan ker ke jigar ke daagh apney
Qamar badnam hona chahta hai