yun chahay mujhay aisi qissmat kahan thi

yun chahay mujhay aisi qissmat kahan thi
Kahan main kahan tuu ye nisbat kahan thi
Teri berukhi say ye dil muztarib tha
Mera haal Tuu janay Tujhay fursat kahan thi
Meri chahaton ki tujhay kia khabar thi
Tu sochay mujhay ye teri fitrat kahan thi
Tujhay apnay man say nikaloon too kasay
Main paa loun tujhay ye meri qismat kahan thi
Jo ban jata mera kaheen humsafar tuu
Bhala aisi apni qismat kahan thi
Jisay sunn kay tuu nay nigahain jhukaa leen
Ye noha tha mera shikayat kahan thi
Tu jo khuch bhi tha ik veham tha mera
Fareb e nazar tha haqeeqat kahan thi..........