Saturday, February 27, 2010

ik gali thi jab us se hum niklay

ik gali thi jab us se hum niklay
aise niklay ke jaise damm niklay

jin se dil ka moaamla hota
yaa.n bht kamm hi aise ghamm niklay

koocha-e-aarzoo jo tha us mein
zulf-e-jaana.n tarha ke khamm niklay

jo phire dar ba dar yahaa.n woh log
apnay baahar bohot hi kamm niklay

aag dil sheher mein lagi ji din
sab se aakhir mein waa.n se humm niklay

jaun yeh jo wujood hai yeh wujood
kya banegi agar adamm niklay?

shikwa yeh hai ke woh bhi woh nikla!
hai nadaamat ke hum bhi humm niklay!

No comments:

Popular Posts