Abhi To Rut Badalni Thi, Abhi To Phool Khilne The

Abhi To Rut Badalni Thi, Abhi To Phool Khilne The, 

Abhi To Raat Dhalni Thi, Abhi To Zakhm Silne The, 

Abhi To Sar Zameen-E-Jaan Pe Ek Badal Ko Girna Tha, 

Abhi To Wasl Ki Baarish Mein Nange Paanv Phirna Tha,

Abhi To Kisht-E-Gam Mein Ek Khushi Ka Khwab Bona Tha, 

Abhi To Senkdon Sochi Hui Baaton Ko Hona Tha, 

Abhi To Saahilon Pe Ek Hawa-E-Shad Chalni Thi, 

Abhi Jo Chal Rahi Hia Ye To Kuch Din Baad Chalni Thi...